அலைவரக் காத்திருந்து...

புல்விழுங்கும் புழுவாய் 

சொல்விழுங்கிச் சென்றாள்.

நள்ளிரவின் நிலவாய் - என்

நாள் விழுங்கிச் சென்றாள்.

குடைதாண்டி எனைத்தீண்டும்

சாரல் மழை - அவளோ 

மடைதாண்டி மனம் தொட்ட

நீரின் அலை...

பாலைநிலத்தில் மேகமழை

பேய்ந்துமே - ஈரம் தோய்ந்துமே

குளிர்கிறேன் - மழையாய் அவள்

மணலாய் நான்.

கோடைவெயில் சுடவில்லை - அவள்

கோதைவிழி பட்டே

குத்தீட்டி பாய்ந்து

குருதிக் குளமான மனம்.

பேனைமுத்தமிட்ட கன்னிவரிகள்

அவள் கண்படக் காத்திருக்கும்

காகித ஓடங்கள்.

கரைநான் கடல் நீ.